काठमाडौँ
नौबिसे गाविस वडा नं. ७ स्थित पाठक गाउँमा महिलालाई मात्र टोक्ने अज्ञात विषालु कीराले टोक्ने क्रम बढ्दै गएपछि स्थानीय बासिन्दामा आतंक छाएको छ। उक्त कीराले टोक्नाले तिहारसम्ममा एकजना महिलाको मृत्यु भएको थियो भने तीनजना सिकिस्त भएका छन्। कीराको टोकाइबाट केदार भट्टकी श्रीमतीको मृत्यु भएको थियो । सोही कीराले टोकेका दुई जनाको काठमाडौँको टेकु अस्पतालमा उपचार भइरहेको छ । जङ्गलमा घाँसदाउराका लागि जङ्गल जाने महिलालाई मात्र टोक्ने उक्त कीराको टोकाइपछि अरिङ्गालले टोकेजस्तो पीडा हुने टोकेको ठाउँ सुन्निदै जाने , बान्ता भई मूर्छा पर्ने र बिरामीको रगत परीक्षण गर्दा रगतमा विषको मात्रा देखिने बताइएको छ ।

काठमाडौ
काठमाडौको सुरक्षा व्यवस्था अबदेखि महानगरीय प्रहरीले गर्ने भएको छ । गत कात्तिक ३ गतेको मन्त्रिपरिषदको निर्णय बमोजिम काठमाडौ महानगरपालिकामा महानगरीय प्रहरी व्यवस्था लागू गर्न लागिएको हो । यसै सम्बन्धमा जानकारी दिन प्रहरी प्रधान कार्यालय नक्सालमा आयोजित पत्रकार सम्मेलनमा प्रहरी महानिरीक्षक ओम विक्रम राणाले सम्भव भएसम्म यही मंसिर १ गतेदेखि महानगरीय प्रहरी व्यवस्था लागू गरिने बताएका छन् । विश्वका अन्य सुरक्षित मुलुकहरुमा महानगरीय प्रहरी व्यवस्था लागू भए अनुसार नेपालमा बढ्दो सहरीकरणसँगै अपराध नियन्त्रणका लागि यो व्यवस्था लागू गर्न लागिएको जनाइएको छ । (more…)

काठमाडौ
नुवाकोटको देउरालीबाट त्रिशुलीतर्फ आइरहेको एउटा मिनी ट्रक आइतबार विदुर नगरपालिका-९ डाँडाविसेमा दुर्घटना हुँदा चार जनाको मृत्यु भएको छ भने ३० जना घाइते भएका छन् ।खचाखच यात्रु लिएर हिडेको बा१ख ९७२१ नम्बरको सो मिनी ट्रक साँझपख सडकबाट २० मिटर जति तल खसेको थियो । मृत्यु हुने तामाङको घटनास्थलमै र अन्य तीन जनाको उपचारका लागि लैजाँदै गर्दा मृत्यु भएको थियो । दुर्घटनामा परी धादिङ सत्यदेवी-८ की ३२ वर्षिया शिरचम तामाङ, सोही गाविसका साँहिला तामाङ र यमेल तामाङको सनाखत भएको छ भने अन्य एक जनाको सनाखत हुन सकेको छैन । अर्का सनाखत हुन नसकेको शव पुरुषको रहेको प्रहरीले जनाएका छन।

काठ्माण्डु
पहिलो शिखर वार्ता पनि असार २ गते प्रधानमन्त्री निवास बालुवाटारमा नै भएको थियो । स्रोतहरुका अनुसार आज हुने शिखर वार्ताका लागि आठै दलबीच गृहकार्य भइरहेको छ । सात दल र माओवादीबीच ब्यग्रप्रतिक्षित शिखर वार्ता आज बिहान ८ बजेदेखि प्रधानमन्त्री निवास बालुवाटारमा हुन गईरहेको बुझिएकोछ । (more…)

काठमाण्डौ
प्रधानमन्त्रीले विजयादशमीका दिन राजाको हातबाट टीका ग्रहण गर्ने यो परम्परा तोडिएको यो पहिलो पटक हो । सेरेमोनियल किङको अभिब्यक्ति दिएर चरम बिबादमा मुछिएका प्रधानमन्त्री गिरिजाप्रसाद कोईरालाले यसपटकदेखि राजाको हातको टिका ग्रहण नगर्ने उद्घोष गरेको समाचार छ । प्रधानमन्त्री कोइरालाको पारिवारिक सुत्रका अनुसार दशै अवधिभर उहाँ विराटनगरमै वस्नु हुनेछ । प्रधानमन्त्री गिरिजाप्रसाद कोइराला दशैं मनाउन शुक्रबार विहान ९ बजे गृहनगर विराटनगर जानुभएको हो । उहाँ ५ दिनसम्म विराटनगरमा रहनुहुने बताइएको छ ।
लोकतान्त्रिक सरकार बहाली भएको पहिलो दशैं अहिले नेपालीको घरआंगनमा भित्रिएको छ । राजाको स्थान जोगाउने अभिमतमा आफुलाई खुलेर उभ्याउने कोईरालाले राजाको हातबाट टिका बहिष्कार गरिनुलाई रहष्यमय ढंगले हेरिएको छ ।

काठमाडौ
नेपालको राजदरवारले लामो समयदेखि बेलायती सेना नेपालीलाई पठाए बापत ठूलो रकम हात लगाउने गरेको रहस्य सार्वजनिक भएको छ ।
नेपालमा समेत अत्याधिक जग्गा राखेको र बिभिन्न उद्योगमा राज्यलाई कर समेत नतिरी लगानी गरेको आरोप लागेको नेपाली राजदरवारले अर्को बिवादस्पद ढंगले रकम बुझेको रहस्य आइतवार खुलेको छ ।
परराष्ट्र तथा मानवअधिकार समितिसाग आइतबार भएको छलफलमा संयुक्त गोरखा भूतपूर्व सैनिक सङ्घका प्रतिनिधिहरूले प्रत्येक वर्ष बेलायतले नेपाली राजदरबारलाई १० लाख पाउण्ड दिने गरेको रहस्य खोलेका छन् । (more…)

काठमाडौं
प्रधानमन्त्री गिरिजाप्रसाद कोइराला र माओवादी अध्यक्ष प्रचण्ड बीच आइतबार भेटवार्ता भएको छ । वार्तामा हतियार ब्यबस्थापन, अन्तरिम संविधान, अन्तरिम सरकार, राजाको स्थान र संविधान सभाको प्रकृयाबारे महत्वूर्ण छलफल भएको छ । वार्तामा गृहमन्त्री कृष्ण सिटौला र माओवादी नेता बाबुराम भट्टराइको पनि उपस्थिती थियो ।
प्रधानमन्त्री निवास बालुवाटारमा भएको वार्ता पछिल्ला दिनमा चिसिएको सरकार-माओवादी सम्बन्ध र वार्ताप्रकृयाको निरन्तरतामा केन्दि्रत रहेका बुझिएको छ ।दिउँसो ४ बजे सुरु भएको वार्ता एक घन्टासम्म चलेको थियो । औपचारिक रुपमा शिखर वार्ता दशैँ अगाडी नै गर्ने सहमति भएको छ ।

दक्षिण कोरिया
दक्षिण कोरियामा रहेका राप्ती अञ्चलबासी प्रवासी नेपालीहरुको एक बृहत भेला राजधानी सिउलमा हुन गईरहेको समाचार छ ।
देशमा चाँडो शान्ति स्थापनाका लागि एकताबद्ध भई अगाडि बढ्नुपर्ने आजको आवश्यकता बारे राप्ती अञ्चल भेलाले महत्वपूर्ण भूमिका खेल्ने बताईएको छ । (more…)

काठमाडौ
राजाले कुनै पनि आदेश जारी गर्न र प्रमाणिकरण गर्न नपाउने विधेयकलाई प्रतिनिधि सभाको २७ भदौंको बैठकले सर्वसम्मतले पारित गरेको छ। त्यसलाई अव राजको हातमा कुनै अधिकार नरहेको दावी सांसदहरुले गरेका छन्।
विधेयकमा श्री ५ ले गर्दै आएको लिखतको प्रमाणिकरण गर्ने काम नेपाल सरकारले तोकेको व्यक्तिले गर्ने लगायतका व्यवस्था गरिएको छन्। (more…)

दक्षिण कोरिया
नेपाली कामदारको आकर्षणको केन्द्रबिन्दु बनेको दक्षिण कोरियामा नेपाली कामदारले कस्तो अवस्था बेहोर्नुपरेको छ भन्ने दारुण प्रतिवेदन अन्तर्राष्ट्रिय मानवअधिकारवादी संस्था एमनेस्टी इन्टरनेशनलले हालै सार्बजनिक गरेको छ ।
कोरियामा पुग्ने आप्रवासीले प्रशस्त पैसा कमाउन सक्ने भए पनि कामदारका लागि उत्तिकै खतरा रहेको प्रतिवेदनमा उल्लेख छ । कामदारले बिरामी हुँदा समयमा नै उपचार नहुने, आफ्ना मानिसलाई भेटघाटमा पूर्ण प्रतिबन्ध, कामदारप्रति कम्पनीले कामदारका लागि दिनुपर्ने सुविधा उपालब्ध नगराउने गरेको बताइएको छ (more…)

धादिङ
धादिङ को भूमेस्थान गाविस-२ मा हिजो साँझ चट्याङ्ग पर्दा ४ जनाको मृत्यु भएको छ।
भूमेस्थान गाविसको डाँडाखर्कमा हिजो साँझ करिब सात बजे परेको चट्याङ्गमा परी अन्य ९ जना घाइते भएका छन् ।
सो घटनामा मारिने ८ वर्षिय दिनेश तामाङ, २२ वर्षिय चन्द्रकुमारी तामाङ, २५ वर्षिय आइते टुक्मा र ३३ वर्षिय नरबहादुर तामाङ रहेको बताइएको छ। प्रायः अचेत अवस्थामा रहेका घाइतेहरुलाई उपचारका लागि अस्पताल भर्ना गरिएको छ।

काठमाडौ
आठ बुँदे सहमतिबाट विचलित हुन पाइन्न, संविधान सभाको निर्वाचनको तिथि घोषणा गरिहाल, प्रतिनिधि सभा विघटन गरिहाल, आम जनतालाई दुई बेग्लाबेग्लै सेना र सरकारको आर्थिक, सामाजिक बोझबाट मुक्त गर भन्ने जस्ता नारासहित आज दिउासो ३ बजे माइतीघरको मण्डलामा प्रदर्शन गर्न लागिएको हो । नागरिक समाजले विगत केही समययता सडक स्रघर्ष गरिरहेको छ। यसअघि समाजले रत्नपार्कमा धर्ना र बसन्तपुरमा सभा आयोजना गरेको थियो । (more…)

काठमाडौ
हाल कालीगण्डकी ए को एउटा मेशिन नियमित मर्मतका लागि भदौ तेस्रो सातादेखि ५० दिन बन्द गरिनुपर्ने र कुलेकाखानीमा पर्याप्त पानी नहुने भएकाले लोड सेटिङ्ग गर्नु परेको नेपाल विद्युत प्राधिकरणले जनाएको छ। यो वर्ष पुसमा दैनिक ७ लाख युनिट, माघमा १४ लाख युनिट र फागुनमा १८ लाख युनिट विजुली अपुग हुने अनुमान गरिएको छ। जसका कारण पुसमा १ ग्राहकले दैनिक ३ घण्टा, माघमा ५ घण्टा, फागुनमा ९ घण्टा र चैतमा ५ घण्टा अँध्यारोमा बस्नुपर्नेछ । (more…)

काठमाडौं
बिश्व आदिबासी दिवसको अवसरमा राजधानीमा बृहत रयाली तथा झांकी प्रदर्शन गरियो । दशरथ रंगशाला त्रिपुरेश्वरबाट शुरु भएको रयाली तथा झाँकी रत्नपार्क, बाघबजार, पुतली सडक, सिंहदरबार गेट हुँदैं पुनः दशरथ रंगशालामा नै पुगेर सभामा परिणत भएको थियो । नेपालमा पनि आदिबासी बिभिन्न संघसंस्थाले बिश्व आदिबासी दिवस सप्ताहब्यापीरुपमा बिभिन्न कार्यक्रमकासाथ मनाईरहेका छन् । (more…)

काठमाडौ
प्रहरी प्रदान कार्यालय अपराध अनुसन्धान शाखाका टोलीले ठगी अपराधमा विहिबार सिनामंगलबाट पक्राउ गरेको बुटबलका ओम प्रकाश गुरुङ र उनका सहयोगी संखुवासभाका राजेन्द्र गुरुङबाट दई कुटनीतिक राहदानी र एस.एल.सी को नक्कली प्रमाण पत्र एक थान बरामद गरेको थियो ।
बैदेशिक रोजगार ठगी मुद्दामा पक्राउ व्यक्तिबाट बरामद भएको कुटनीति राहदानी सम्बन्धमा मुद्दा चलाउने वा नचलाउने भन्नेबारे प्रहरीले कुनै निर्णय लिन सकेको छैन । (more…)

टायर
इजरायली सेनाका बम बर्षक विमानले लेबनानमाथि अन्धाधुन्ध आक्रमण जारी राखेपछि त्यहाँस्थित दक्षिणी क्षेत्रका करिब ७० प्रतिशत -तीन लाख ५० हजार) स्थानीयवासी पलायन भएका छन् । इजरायलले लगातार आक्रमण जारी राखेपछि त्यहाँबाट यसरी मानव पलायन सुरु भएको हो । ती क्षेत्रमा सिया मुस्लिम मिलिसिया हिजबुल्लाको बाहुल्य छ । इजरायली आक्रमण तीब्र भएपछि लेबनानमा खाद्यान्न अभाव सिर्जना भएको छ। (more…)

बुटवल
बुटवल, माओवादी निकट अनेरास्ववियु -क्रान्तिकारी ले कपिलवस्तुका पत्रकारहरुसँग चन्दा माग गरेको छ ।
पत्रकारहरुसँग चन्दा मागिएको यो पहिलो पटक हो । क्रान्तिकारीका केन्द्रीय अध्यक्ष लेखनाथ न्यौपानेको हस्ताक्षरमा रहेको पत्रमा उचित आर्थिक सहयोग गर्न भनिएको छ । श्रावण ९ गतेको मितिमा लेखिएको सो पत्र नेपाल पत्रकार महासंघ कपिलवस्तु शाखामा बुझाइएको महासंघका सदस्य पार्वती पाण्डेले बताएकि छन।
शाखा सभापति नारायणप्रसाद पौडेलले पत्रकार महासंघसँग चन्दा माग गर्नु क्रान्तिकारीको कमजोरी भएको भनिएको छ । माओवादीले नयाँ सत्ता दाबा गरिरहेको बेला हामीलाई आर्थिक सहयोग दिने हिम्मत गर्नुपर्छु- ।

काठमाडौ
आज बिहान रसुवा जिल्लाको यार्सा क्षेत्रमा गएको पहिरोमा परी १०जनाको मृत्यु भएको छ ।
पहिरोमा सुकबहादुर घलेको एकै परिवारका ५ सदस्यसहित १० जनाको मृत्यु भएको प्रहरीले बताएका छन । साथै घोसिङ घलेका परिवारका पनि चार सदस्यको मृत्यु भएका छन। पहिरोले चार घर बगाएको थाहा भएको छ । पहिरोमा परी थर्मी प्रथामिक विद्यालयसमेत क्षतिग्रस्त भएको छ । हाल प्रहरी टोली घटनास्थलतर्फ गइसकेको बताइएको छ । घटनाको पूर्ण विवरण आउन सकेको छैन ।

काठमाण्डौ
तीन वर्ष अघि फुटेका दुईवटा काङ्ग्रेसबीच फेरी एकता प्रयास शुरू हुने भएको छ। नेपाली काङ्ग्रेसको १६ साउनमा बसेको बैठकमा सभापति गिरिजाप्रसाद कोइरालाले पार्टी एकताको अवश्यकता औल्याएपछि सदस्यहरुले उक्त सम्भावना प्रवल बनेको अनुमान गरेका छन् । अघिल्ला बैठकहरुमा अन्य पदाधिकारी वा सदस्यले उठाउने गरेको एकताको प्रसंग स्वयं सभापतिद्वारा नै आएपछि सहभागिहरुले त्यसलाई निकै महत्वका साथ लिएका छन्। कोइरालाले वर्तमान परिस्थितिमा चुनौतिको सामना गर्न पार्टी एकता आवश्यक रहेको भन्दै एकताको प्रसंग झिकेको ति सदस्यले बताए। (more…)

काठमाडौ
प्रधानमन्त्री निवास बालुवाटारमा सम्वाददाताहरुसँग कुरा गर्दै रक्षा सचिव विष्णुदत्त उप्रेतीले सरकारको निर्देशनमा प्रधानसेनापति थापा बयान दिन राजी भएको बताएका छन l सरकारको निर्देशनमा प्रधानसेनापति प्यारजंग थापा पर्सी बिहीबार बयान दिन उच्चस्तरीय छानविन आयोग जाने भएका छन् । प्रधानसेनापति थापासँग जनआन्दोलनमा भएको दमनका बारेमा बयान लिने तयारी गरेको भएपनि पूर्व निर्धारित कार्यक्रम भन्दै पोखरा भ्रमणमा निस्कनु भएको थियो ।
आयोगलाई महत्व नदिएको र बयान छल्ने प्रयास गरेको भन्दै सेनाको चौतर्फी आलोचना भएको छ । त्यस्तै आयोगका अध्यक्ष कृष्णजंग रायमाझीले समेत हिजो आयोगको छानविनमा सरकारले असहयोग गरेको आरोप लगाएका थिए । रक्षा सचिवका अनुसार प्रधानसेनापतिको बयानपछि अन्य सैनिक अधिकारी पनि बयानका लागि आयोग जाने भएका छन् ।

मलेसिया
मलेसियाली स्वयंसेवी दस्ताले अवैध आप्रवासीविरुद्ध संचालन गरेको कारबाहीका क्रममा उनीहरु यसरी सुरक्षा घेरामा परेको बताइएको छ। प्राप्त समाचारअनुसार अवैध आप्रवासी विरुछ संचालन गरिएको अहिलेसम्मकै यो ठुलो कारबाही हो । अत्याधिक मात्रामा नेपालीहरु कार्यरत रहेको मलेसियाको पश्चिमी सेलान्गोर राज्यस्थित एक कारखानामा कार्यरत नेपालीसहित एक हजार पाँच सय बढी अवैध आप्रवासी कामदार सुरक्षा घेरामा परेका छन । आइतबार पनि केही विदेशी कामदार पक्राउ गरेको बताइएको छ। उनीहरुलाई छानविनपछि आवश्यक कानुनी कारबाही गरिने स्टार डेलीले जनाएको छ। गत जुलाईमा मलेसियामा अवैध आप्रवासीविरुद्ध चयाँ चरणको कारबाही संचालन गर्ने घोषणा गरेको थियो (more…)

काठमाडौ
७/८ जनाको समुहमा हतियारसहित आएका ती अज्ञात व्यक्तिहरुले लुटपाट गर्नुको साथै कार्यालयमा रहेका २ जनालाई सख्त घाइते बनाएका छन् । काठमाडौ कोटेश्वरको ढुंगे धारामा रहेको घरजग्गा सम्बन्धि कार्यालयबाट विहान करिव ११:३० बजेतिर करिव ६ लाख रुपैया र २ थान मोवाइल सेट लुटिएको छ । घाइते २ जना मध्ये गिरिको टाउको फुटेएको जनाइएको छ । घाइते दुबै जनाको वीर अस्पतालमा उपचार सकेर घर फर्किसकेका छन् । एक महिला सहित आएका ति हतियारधारीहरुले कार्यालयमा काम गर्ने भुपेन्द्र गिरी र प्रज्वल कुमार बज्राचार्यलाई काठको हतियार प्रयोग गरी घाइते बनाएको वडा प्रहरी कार्यालय कोटेश्वरले जनाएको छ ।
सिन्धुपाल्चोक कदमबास वडा नं. ६ घर भई हाल काठमाडौ महानगरपालिका वडा ३४ शान्ति नगर बस्ने घाइते गिरि र कोटेश्वर बस्ने बज्राचार्य दुबै घरजग्गा बेचबिखन सम्बन्धि काममा संलग्न भएको थाहा भएको छ । जग्गा सम्बन्धि लेनदानका कारण घटना भएको हुन सक्ने प्रहरीले अनुमान गरेको छ ।